粒粒醉鵝肝
大家有冇食過日本??ROYCE朱古力？細細一粒放入口，軟滑如絲嘅質感，會在口中慢慢溶化，的確係一種飲食享受?
而我今次呢個慢煮鵝肝實驗?，可以話非常之成功?完全做到果種入口即溶，軟滑如絲嘅口感！更甚至乎鵝肝滲出那淡淡鵝油嘅豐盈之味，再加上紹酒同玫瑰露酒的加持?作為一道冷凍頭盤，絕對會令你嘅味蕾為之一振⋯⋯
材料
。急凍切片鵝肝
。醉雞汁
。紹興酒
。玫瑰露酒
煮法(有慢煮棒做法)
。急凍鵝肝不用解凍清走碎冰，抹乾水份入真空袋抽真空，封好！
。凍水落慢煮缸，校60度水溫，水溫達標後，慢煮10分鐘後取出浸冰水降溫！
。放涼後開袋取出，才會稍為硬身無咁易整爛！
。期出鵝肝後，轉落密實袋，倒入適量醉雞汁(用水壓法封口，可減少使用醉雞汁的份量，而且保證每處地方都能入味??)及一湯匙玫瑰露酒！
。(水壓法封口:將整袋已加入醉雞汁及玫瑰露酒嘅鵝肝，先封淨一小決開口，慢慢浸入大盆水中，慢慢將袋接到水下，你會見到袋中空氣被水壓帶出，形成真空狀態！到水位差不多到袋口之時，就可以拉密封口！
。放雪櫃下層醃一晚就可以取出，此時鵝肝已變挺身，抹去表面的油脂粒後，切粒狀即可享用?
做法2(無慢煮棒，但要有食物溫度計?️)
。鵝肝取出，放密實袋中開口解凍至室溫！
。倒入醉雞汁，放雪櫃醃過夜！
。第二天原袋取出放涼，放入冷水中，將水加熱達60度後，多煮5分鐘取出，將整袋鵝肝浸入冰水冷卻！取出鵝肝放入密實盒/袋！放入雪櫃下層雪4小時至挺身，取出切粒即可享用??
